شعر صلاح جاهين عن الدنيا
شعر صلاح جاهين عن الدنيا يتحدث فيه الدنيا ومتغيراتها وأنها دار فانية، فهو من الشعراء الذين يتمتعون بحسهم الفني بما أنه كان رسام وشاعر في نفس الوقت، وكان له نصيب من التأليف وأنتج عدد من الأفلام المصرية الشهيرة والتي مازلنا نراها ونتابعها لتلك اللحظة، فيلم أميرة حبي أنا للنجمة سعاد حسني، خلي بالك من زوزو ، وفيلم عودة الابن الضال، وغيرها الكثير من الأعمال الشهيرة والتي تضفي بهجة وسعادة، لديه الكثير من المؤلفات التي يتراوح عدد 161 قصيدة، في الفقرات التالية نتعرف على قصيدة الدنيا وبعض القائد الأخرى.
شعر صلاح جاهين عن الدنيا
يتحدث شعر صلاح جاهين عن الدنيا بعنوان صندوق الدنيا:
القصيدة الاولي
- الدنيا صندوق دنيا ** دور بعد دور
- الدكة هي ** وهي كل الديكور
- يمشي اللي شاف ويسيب لغيره مكان ** كان عربجي أو كان إمبراطور
القصيدة الثانية
- يأسك وصبرك بين يديك وأنت حر
- تيأس ما تيأس الحياة راح تمر
- أنا دقت من دة ومن دة وعجبي لقيت
- الصبر مر وبرضه اليأس مر عجبي !
شاهد أيضًا: افضل 100 من اشعار غزل للحبيب رومانسية
قصيدة غمض عينيك للشاعر صلاح جاهين
هناك الكثير من القصائد الرائعة والجميلة للشاعر صلاح جاهين، والتي تدل على الكثير من معاني الحياة وتكون على النحو التالي:
- عجبتني كلمة من كلام الورق ** النور شرق من بين حروفها و برق
- حبيت اشيلها ف قلبي ** قالت حرام ده أنا كل قلب دخلت فيه أتحرق
- غمض عينيك وارقص بخفة ودلع ** الدنيا هي الشابة وأنت الجدع
- تشوف رشاقة خطوتك تعبدك ** لكن أنت لو بصيت لرجليك تقع
قصيدة ميلاد لصلاح جاهين
يقول الشاعر صلاح جاهين في قصيدة ميلاد :
- بعد ولادتي في الزمن تلاتين سنة ** أصبحت تاريخ زي السيوف والقايين
- زي الشراكسة والشموع والسلطنة ** زي الخيول ضاعت سنيني في السنين
- القاهرة والألف مدنة شمعدان ** آدم عريس في بولاق وحوا في الحريم
- القاهرة والناس في كهف الليل ديدان ** آدم وحوا بيقربوا توفيق الحكيم
- غناها بشرف كرد غنته له العجم ** رديت أنا من فوق بجواب الجواب
رباعيات صلاح جاهين
إليكم رباعيات صلاح جاهين عن الفناء وخوفه من الموت والوحدة، ورباعيات عن الربيع ووصفه له، ووصفه للكون والحياة والموت، ووصف الشر الموجود في الحياة دعونا نتعرف على هذه الرباعيات:
رباعية صلاح جاهين عن الفناء:
- أحب أعيش ولو أعيش في الغابات ** أصحى كما ولدتني أمي وأبات
- طائر حيوان حشرة بشرة بس أعيش** محلا الحياه حتى في هيئة نبات
رباعية صلاح جاهين عن الربيع:
- ودخل الربيع يضحك لقاني حزين ** نده الربيع على اسمي لما قلت مين
- حط الربيع أزهاره جنبي وراح ** وايش تعمل الأزهر للميتين
رباعية صلاح جاهين عن الحياه والموت:
- خرج ابن آدم من العدم وقولت ياه ** رجع بن آدم للعدم قولت ياه
- تراب بيحيا وحي بصير تراب ** لأصل هو الموت ولا الحياه
رباعية صلاح جاهين عن الشر الموجود في الدنيا:
- نوح راح لحاله والطوفان استمر ** مركبتنا تايهة لسه مش لاقيه بر
- آه من الطوفان وآهين يابر الأمان ** إزاي تبان والدنيا غرقانة هم
رباعية صلاح جاهين في وصفه للحياة والموت
- خرج ابن آدم من العدم قلت ياه رجع ابن آدم للعد قلت: ياه تراب بيحيا…
- وحي بصير تراب الأصل هو الموت ولا الحياة؟ وعجبي!!
رباعية صلاح جاهين عن الكون
- الكون ده كيف موجود من غير حدود :وفيه عقارب ليه وتعابين ودود؟؟ عالم مجرب فات وقال سلامات ده ياما في سؤال من غير ردود عجبي!!
التعجب والاندهاش في رباعيات جاهين من الحياة
- مرغم عليم يا صبح مغصوب يا ليل… لا دخلتها برجيا ولا كانلي ميل… شايلني شيل دخت أنا في الحياة… وبكره حاخرج منها شايلني شيل… عجبي!!
شاهد أيضًا: أفضل ما قيل من شعر عن الحرب
أجمل أشعار صلاح جاهين عن الدنيا
ومن أجمل أشعار صلاح جاهين عن الدنيا التي حازت على إعجاب وقبول الكثير من الأشخاص لأسلوبه الراقي في اختياره للكلمات ووصف الدنيا على هيئة شعر بطريقة ساخرة مختلفة عن باقي الشعراء وهو:
- و الكون ده كيف موجود من غير حدود ** و فيه عقارب ليه و تعابين ودود
- عالم مجرب فات و قال سلامات ** ده ياما فيه سؤلات من غير ردود
- يا باب يا مقفول … إمتي الدخول ** صبرت ياما و اللي يصبر ينول
- دقيت سنين والرد يرجع لي : مين ؟ ** لو كنت عارف مين أنا كنت أقول
رباعيات صلاح جاهين عن الحب
الرباعيّة الأولى:
- إنشد يا قلبي غنوتك للجمــــــــــــال
- وارقص في صدري من اليمين للشمال
- ما هوش بعيد تفضل لبكره سعيـــــــــد
- ده كل يوم فيه ألف ألف احتمـــــال
الرباعيّة الثانية:
- أعرف عيون هى الجمال والحسن
- وأعرف عيون تاخد القلوب بالحضن
- وعيون مخيفة و قاسية و عيون كتير
- وبحس فيهم كلهم بالحزن!
الرباعيّة الثالثة:
- صوتك يا بنت الإيه كأنّه بدن
- يرقص يزيح الهم يمحي الشجن
- يا حلوتي وبدنك كأنه كلام كلام
- فلاسفه سكروا نسيوا الزمن
الرباعية الرابعة:
- اخطفني ياللي تحبني ع الحصان
- الدنيا قالت يوم في ماضي الزمان
- اخطفني ياللي تحبني ع الـــــفرس
- الدنيا قالت، قام خطفها الشيطان
قصيدة الدرس انتهى
الدرس انتهى
الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..
ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس
شاهد أيضًا: أجمل ابيات شعر حب قصير رومانسي
رباعيات صلاح جاهين( معلقة)
- خرج ابن آدم من العدم قلت: ياه
- رجع ابن آدم للعدم قلت: ياه
- تراب بيحيا … وحي بيصير تراب
- الأصل هو الموت و الا الحياه؟
عجبي!!!
- ضريح رخام فيه السعيد اندفن
- وحفره فيها الشريد من غير كفن
- مريت عليهم .. قلت يا للعجب
- لاتنين ريحتهم لها نفس العفن
عجبي!!!
- ياما صادفت صحاب و ما صاحبتهمش
- وكاسات خمور و شراب و ما شربتهمش
- أندم علي الفرص اللي انا سبتهم
- والا علي الفرص اللي ما سبتهمش
عجبي!!
- والكون ده كيف موجود من غير حدود
- وفيه عقارب ليه و تعابين ودود
- عالم مجرب فات و قال سلامات
- ده ياما فيه سؤالات من غير ردود
عجبي!!!
- أنا شاب لكن عمري ألف عام
- وحيد لكن بين ضلوعي زحام
- خايف و لكن خوفي مني أنا
- أخرس و لكن قلبي مليان كلام
عجبي!!!!
- يا باب يا مقفول … إمتي الدخول
- صبرت ياما و اللي يصبر ينول
- دقيت سنين … و الرد يرجع لي: مين؟
- لو كنت عارف مين أنا كنت أقول
عجبي!!!
- أحب أعيش ولو في الغابات
- أصحي كما ولدتني أمي و ابات
- طائر .. حوان.. حشرة .. بشر ..بس أعيش
- محلا الحياة.. حتي في هيئة نبات
عجبي!!
- سهير ليالي و ياما لفيت و طفت
- وف ليه راجع في الضلام قمت شفت
- الخوف … كأنه كلب سد الطريق
- وكنت عاوز أقتله .. بس خفت
عجبي!!
- كان فيه زمان سحليه طول فرسخين
- كهفين عيونها و خشمها بربخين
- ماتت لكين الرعب لم عمره مات
- مع إنه فات بدل التاريخ تاريخين
عجبي!!
- عجبتني كلمة من كلام الورق
- النور شرق من بين حروفها و برق
- حبيت أشيلها ف قلبي .. قالت حرام
- ده أنا كل قلب دخلت فيه اتحرق
عجبي!!!
- رقبه قزازة و قلبي فيها انحشر
- شربت كاس و اتنين و خامس عشر
- صاحبت ناس م الخمرة ترجع وحوش
- وصاحبت ناس م الخمرة ترجع بشر
عجبي!!!!
شعر صلاح جاهين عن الدنيا من أنواع الشعر المحبوب الذي لا تنسى أبداً مهما طلت عليها السنوات، لأن معانيه بليغة ويختارها بحكمة وبطريقة تضحك القارئين، فهو حقاً شاعر ينفرد بنفسه ومصر فخوره بوجود مثل هذه الشخصيات.
