شعر عن الام لهشام الجخ
يتميز شعر عن الام لهشام الجخ بالكثير من المشاعر الفياضة و الجارفة هشام الجخ شاعر مصري معاصر تميز بقصائده المميزة والمؤثرة و بكلماته البليغة المعبرة حيث تنوعت المواضيع التي تناولها في أشعاره مثل الحب والأم وغيرهم من المواضيع.
شعر عن الام لهشام الجخ
رثاء هشام الجخ أمه بالعديد من الأبيات المؤثرة في قصيدته الشهيرة “مصليتش العشا” عن الأم حيث يتناول شعر عن الام لهشام الجخ الكلمات الآتي:
- كل الدكاترة قالوا: خير
- معندهاش أي حاجة ولا حتى محتاجة لدوا
- ما احنا عارفين شهر مارس والهوا
- شوية برد ما يستاهلوش، والسن برضه ما تنسوش
- أول مرة أشوف حبيبتي بتتوجع وبتتلوي
- ونا عارف أمي ما تشتكيش غير م القوي
- عجّزتِ يا امة؟ وشاخ جريدك
- ده انت لسة مساحة الشقة بايدك
- عجزت فجأة
- ده احنا كل جمعة نبوس اديكي عشان نوضب شقتك وتقولي لأة
- عجزت فجأة
- ومالك ابيضّيتي ليه؟ ياك حاطة بودرة؟
- مش كنت زيي سمرا؟
- الدكاترة مش بيحكوا حاجة بينّا
- وانا قلبي متوغوش وحاسس ان امي فيها إنّ
- طب لو مافيشي شيّ قلقانين عليه .. حجزوها ليه؟
- لأول مرة احس دماغي بتشقق وتفكيري بيعمل صوت
- مصدقتش ولا اتخيلت وانا واقف في ساعتها بإنه الموت
- رسمت الضحكة على وشي وبزيادة
- دخلت عليها عارفاني أنا الكداب كالعادة
- ومين يقفشنى غير امي اللي عاجباني وخزاني وخالعة بيدها سناني
- فعرفت بس من عيني انها شهادة
- وشهدت ييجي 100 مرة
- ساعتها كل احساسي اللي كان محبوس طلع برة
- وهاجت ذكريات عبّت عنيا دموع
- واحساس الطريق اللي مالوش رجوع
- حاولت اخدعها واستهبل
- بقالك عمر بتمثل
- وهي معيّشاك في الدور وصدقت انها بتتخمّ
- يا راجل خلي عندك دم
- دي حافظة عينيك و تقاطيعك وتهتك ألاعيبك
- مش هاين عليك الويل
- عايزها منين تجيب لك حيل عشان ما يبانش في عينيها العذاب والهم
- يا راجل.. خلي عندك دم
- كانت بأوصالي في عينيها السنين بتفوت
- وجوايا كلام من كتره عدّى سكوت
- كان نفسي أقول آسف .. واقول ندمان .. وأقول خجلان
- وأقول لك إني يا ماية بحبك حب مش معقول
- معرفتش ساعتها الحلق كان مقفول
- لكن القلب كان مفروض على قلبك وكان بيقول
- بحق حروف كتاب الله اللي حافظها على يدك
- ومن أيام ما كنت بعد على يدك وعلى عدك
- وفرحة خدي ياماما وانا نايم على خدك
- وقسما باللي قام حدي وقام حدك
- ما حبيت في الوجود قدك
- جاي دلوقتي تغوج.. بتستعجل في وقت الموت والهوج
- مبنحسش بقيمة الثانية غير بعدين
- وتسرقنا الحياة ما نفرقش غير والموت مبكي العين
- يا شاقة القلب ومسافرة
- خدتني الغربة من حضنك سنين كافرة
- نسيت نفسي.. انا آسف
- قالولي الغربة بتعلم دروس وحياة
- وان الغربة يا مايا دي طوق ونجاة
- أتاريها حزام ناسف .. أنا آسف
- ميعادنا يا مّة في الآخرة
- وهي الدنيا ايه يا مايا .. حقة مناهضة ومعاقرة
- خلاص خلينا للآخرة
- حتى تكوني محلوة وعليك العين
- واوريكي العيال يا مّة .. بقم بتين
- وجبت الولد يا ستي عشان ما تضايقش
- يوصيهم يا ستي خلاص متخنقنيش
- أفراد عائلة هشام المدهشة
- دي تعليمات جدتكم المفتشة
- ممنوع تناموا في أي يوم أي يوم .. قبل ما تصلوا العشا.
اقرأ أيضًا: قصيدة عن عيد الأم باللغة العربية الفصحى
قصيدة لما جيت اكتب عن امي مكتوبة هشام الجخ
هي قطعة شعرية تأتينا من خلال قلم المبدع هشام الجخ، تنبعث منها روح العاطفة والتقدير لأم الشاعر.
يتناول الجخ في هذه القصيدة العمق العاطفي للعلاقة بين الأم وابنها، مستعرضًا بأسلوبه الفريد لحظات الحنان والتضحية التي تميز هذه العلاقة الفريدة.
دعونا نتجول معًا في هذه الكلمات المؤثرة ونستمتع بجمال الوصف والتركيب الشعري الذي يجسد عمق العاطفة والامتنان نحو الأم.
- لما جيت أكتب عن أمي قولت
- عنها شايلة همي قولت دي
- بتجري في دمّي قولت ياما
- حاجات كتير مش جديدة لما
- جيت أكتب عن أمي عاجزة
- قدامي القصيدة شايلة سِرّي ..
- كان زمان بيني و بينها حبل سُرّي
- اتقطع يوم الولادة و اتوصل حبل
- الوداد حب متحولش عادة من كلام
- رب العباد حبها أصلا عبادة في التعب
- كانت بتسأل جه مؤنث جه مذكر جه
- بيضحك جه مكشر جه على الدنيا
- بسلامة وقتها ماكنتش بفكر كنت
- بابكي و كانت بتحضن بابتسامة وقتها
- مكنتش بفكر ده الضنا جه من الضنى
- لما جيت أكتب عن أمي لاقتني بكتب
- عني أنا لما جيت أكتب عن أمي
- عاجزة قدامي الحروف قام الألِف
- زعّق وقف قاللي ما تفهم يا ولا ده
- أنا مشترك في اسم من لا شريك
- له و أول الاسم الألِف و أول الأم
- الألِف و دي مش صدف ربك بيخلق
- من العدم خلق الألم وهنا على وهن
- شالتني لحد ما بلغت الحُلُم و ياما
- بتدلّع عليها و ياما بتمنّع عليها
- و ياما حاوطتني بجناحها و ياما
- دمعت في عينيها و من أيديا تاتا
- تاتا و رجلي داست على البلاطة
- و داس عليها عجل زماننا و كانت
- بتحضني ببساطة و لما بتعب
- كانت بتتعب كانت تطبطب كانت
- تجيبلي الشوكلاتة كبرت فجأة لاقتني
- بزهق من كلامها عن السجاير عن
- العيال اللي مصاحبهم على الدراسة
- خش ذاكر! اجي اتدلع تقوللي ده
- أنت راجل ده اللي قدك دخلوا دنيا
- بص يا ابني خلي بالك دي السنين
- زي الكلونيا تحطها بتطير بسرعة
- ماتلاقيش لهواها ريحة السنين
- بجحة و صريحة أمي مابتعرفش
- تجرح بس ياما باتت جريحة لما جت
- وقفت قصادي قالتلي أنت امتدادي
- أنت نور عيني اللي شبهي أنت
- دونا عن ولادي وقتها أنا كنت
- غاوي للغناوي كنت أسيبها
- قاعدة و انزل اترمي في حضن
- القهاوي هي ديا أحلى عيشة
- هاتلي نار على فحم شيشية
قد يهمك معرفة: قصيدة عن الام لهشام الجخ مكتوبة
شعر هشام الجخ عن الفراق
من أكثر الأشعار حزنا هي الأشعار المتعلقة بالفراق حيث بجانب ما يتميز به شعر عن الام لهشام الجخ فقد تناول هشام الجخ مشاعر الفراق بعد الحب في قصيدته المميزة كالآتي:
- كانت عيله لسه شايفه الدنيا بالألوان
- وبدور ما بين أصحابها في الجامعة على الفرسان
- ومستنيه فرس ابيض وورد ابيض وواد اسمر ولابس ابيض
- تجري في حضنو وتعيط ويحميها من الغربان
- كانت لسه سنه اولي ولبس المريله عادة وباص
- المدرسة والشنطه والداده خلاص خلصو
- هروح الجامعه من دلوقتي بالفستان
- وكان هو فقير الحال على قدوم متغرب عشانك
- يدرس ويصرف من عرق يدو كان غلبان
- وكان خايف يجبلها ورد لا ريحتو تفضح الكف الى جاي عرقان
- تحكيلو عن الموضه يكلمها عن الانسان
- تحكيلو عن السوشي يقول دي قراءة في القرءان(الشيخ السوسي رحمه الله)
- كان فقران لكن عفيان يسد بكفو عين الشمس ويضلل على عينها
- يوصلها لحد البيت ويرجع مشي كان شاعر كلامه حي لكنه حزين
- وهي الفرحه سرقاها ومش فاضية شيلة الطين
- كان بيعالج الوحدة بكتير اللمه والأصحاب
- ويحكي حاجات محصلتش ويتجمل ووحده بوحده يتحول لواد كداب
- كان يسهر ويتخيل ويتقلب في نومة العاذب الكحيان
- وكانت هيا ست الحسن والحسين والحسين
- جمالها يقلق النعسان وصوتها بلوه على الشباك
- ابوها باشا من الأعيان وجدها كان وعمها كان
- وهو فقير بياخد غربتو في حضنه وبينامو
- كانت سارقه احلامو ودايما جايه في كلامو
- ساعة الفرح يتمناها قدامو وساعه الصبر بتحليل ايامو
- ويكتب شعر
- انا والليل مرهونان في البدوي وصحرائي مسافاتي وانتي بطيئه عني
- ويكتب شعر
- هنا لا شيء غير الحزن يا محبوبتي يدوي
- ويكتب شعر
- عنيكي فدانين راحه وانا تعبان وميحسش حلاوة الميه غير عطشان
هشام الجخ وحشتيني
وقد زاعت شهرة هشام الجخ من خلال تناوله مشاعر الحب بشكل مميز حيث أنتج العديد من شعر عن الام لهشام الجخ بجانب قصائد عن الحب و العشق والغيرة كالآتي:
- متزعليش لو جم قالولك إنه مش باين عليه أثر الفراق
- وإنه مش بيجيب ف سيرتك
- وإنه عادي لا بان عليه أثر الفراق ولا فيه ألم ولا في اشتياق
- حجاش قصيدة كتبها فيها هي دي اللي طلعتي بيها
- أما هو خلاص نسيكي عادته ولا هيشتريها؟
- واحنا قلنالك زمان مبتسمعيش فمتزعليش
- ثم هو مكنش نجوى كان بيتأخر عليكي بالساعات
- وكان مفلس وشكلك يعني مكنش
- هو كل أصحابك عبوة أهو غار فى داهية
- وبكره يركع تحت رجلك
- بس يمكن كان حنين حبتين حبتين حبتين
- من كان بيسخف عليكي كنتي فين ورايحه فين وجايه فين
- بس كان بيبان عليه لما اسمك يجي في الكلام تلمع عينيه
- بس برضو كان تقيل مكنش بيقدر ظروفك
- كم مرة قلتي مستحيل ويصر برضو إنه يشوفك
- متزعليش من قساوة الدنيا وعنادها العجيب
- أنا كنت فاكر نفسي اقوي من النصيب
- مين كان يقول إن النهاية تكون فشوش؟
- أنا لسه فاكر وقفتك وسط البنات
- فاكر هدومك وابتسامتك والكلام حتي السكات
- إذا كان فراقنا صحي فيكي كام وجع
- أنا كل ليله بتدبح من الذكريات
- أنا عندي ركن بحط فيه كل الحاجات كل القصايد والألم كل البنات
- جيت اركنك جواه رفض مكفكيش ف متزعليش
- وإن جم قالولك إنه مش باين عليه أثر الفراق متصدقيش
- أنا بس طبعي جعود وبكتم جوا مني مش فاكره نانا وجرحها؟؟؟
- طب بأن عليا بعدها مش كنت بتنطط وأغني
- والناس تشوفني تقول حجر ولا اتوجع ولا اتكسر زى الجبل مبنحنيش
- متصدقيش انا لما سبتك كل حاجه اتغيرت
- ريحة الشوارع والدكاكين القديمة والبيوت
- كأني ببدأ من جديد رحلة حياتي أو بموت
- حسيت كأني نهيت حياتي خنقتها أنا كنت متخانق معاكي وقتها
- مكنتش اقصد اقولك امشي مترجعيش
- بس أنت كنتي صغيرة مفهمتنيش
- معرفتش أترجاكي وأنتي بتدبحيني
- الطبع غلاب وانت عارفة وكان لازم تعذريني
- ربوني ع الهيبة والحب يجيب امه
- وإن البت لما يوم تتقل عليك بالسلامة
- صدقيهم لو يوم قالولك إني عصبي وإني بعرف أي واحدة
- وقلبي بيغير يوماتي صدقيهم لو قالولك أي كدبه عن حياتي
- بس اوعي تصدقيهم لو قالولك إنه كان كداب معاكي محبكيش
- وإن جم قالولك إنه مش باين عليه أثر الفراق متصدقيش.
قد يمكنك الاطلاع أيضًا على: صور عن الأم 2025
